A NOSA BIBLIO XA ESTÁ FUNCIONANDO!

    

    Dende o pasado 24 de outubro, Día das Bibliotecas Escolares, a nosa biblio está en pleno funcionamento.

    Durante a celebración, fixéronse xogos na biblioteca para os diferentes cursos: para infantil, primeiro e segundo mímica para que averiguasen os contos; para terceiro e cuarto, a personaxe misteriosa onde descubriron a Harry Potter, Pipi Calzaslargas ou o Gerónimo Stilton. 

    Despois, explicouse a importancia do día das bibliotecas, en memoria da destrución da Biblioteca de Sarajevo, incendiada en 1992 durante o conflicto balcánico.

    Ademáis, as mochilas viaxeiras comezaron a súa aventura polos distintos cursos!

Agardámosvos entre os libros!

Preme aquí para ver máis sobre a nosa celebración. 

RECOMENDACIÓNS LECTORAS

Chega o verán, e con el as vacaións!

Tiñamos ganas, non si? Temos ganas de sol, praia, piscina, xeados, durmir ata tarde, xogos coa familia, vivir aventuras incribles, descubrir novos mundos...cun libro na man todo é posible!

Aquí vos deixamos as recomendacións de BiblioTebra, a ver que vos parecen.

 EDUCACIÓN INFANTIL:

 

PRIMEIRO CICLO DE EDUCACIÓN PRIMARIA:

SEGUNDO CICLO DE EDUCACIÓN PRIMARIA:

 

TERCEIRO CICLO DE EDUCACIÓN PRIMARIA:

 

                                                       FELIZ VERÁN E BOA LECTURA

Letras Galegas 22: Florencio M. Delgado Gurriarán

 Este ano celebramos as letras galegas por todo o alto!

 

Reunímonos á sombra da cerceira do noso patio para desfrutar dunha programación moi variada.

- recitado de poemas de Florencio Delgado Gurriarán

- dar agasallos aos participantes do concurso de renovación da mascota do EDLG

- Lucas Silva, o cañador por CATUXA, foi premiado e entrevistado polos compañeiros/as de 6º

- Ed. Infantil bailou Indo eu a caminho de visseu

- Ed. Primaria interpretou o Himno Galego 

- Plantamos a camelia que nos regalou o concello polo día de Rosalía

Este acto tan bonito foi presentado por un grupo de alumnos/as de 6º de EP, a quen lle damos as grazas e os nosos parabéns!

Ademais deste fermoso acto, o alumnado realizou diferentes murais:

Florencio Delgado Gurriarán

Un mar de palabras

Día das Letras Galegas

Como moitos e moitas xa sabemos, cada 17 de maio en Galicia conmemoramos o Día das Letras Galegas. Un día para festexar a nosa lingua e as nosas verbas. Este ano 2022, a RAG (Real Academia Galega) decidiu homenaxear ao escritor Florencio Delgado Gurriarán. 

Deixamos máis abaixo un interesante vídeo sobre a súa biografía que crearon os nenos e nenas do CEIP San Pio X, en Ourense. 

https://youtu.be/J4W5JxWd0ds

Se tedes ganas de ler algo sobre Florencio Delgado, na biblio dispoñemos de varios títulos que vos poden interesar como por exemplo:

Agardamos que poidades coñecer un pouquiño máis sobre este autor. 

Deica pronto. 

EXPOSICIÓN DO PDI

A nosa biblioteca convertiuse nun museo!

Durante o mes de maio poderás visitar a exposición sobre os diferentes Camiños de Santiago que traballou o alumnado. Podes vir en horario de tarde acompañado de quen ti querias para amosarlle o traballo.

Haberá unhas tablets coas que escanear o código QR que contén o "audio-guía" sobre cada camiño. Algunhas familias xa viñeron e gustoulles moito!

Ademais de audios explicativos tamén atoparás cancións, como esta sobre como tocar as cunchas!

SEMANA DO LIBRO

 A semana pasada, con motivo do Día do Libro, realizamos dúas actividades:

                             INTERCAMBIO DE LIBROS 

O alumnado tivo que buscar pola biblioteca os libros que os seus compañeiros e compañeiras trouxeran previamente. 

Era algo difícil xa que algúns estaban moi ben agochados....

Unha vez atopado o libro do curso correspondente a ilusión era moi grande, xa que estaban empaquetados en papel de periódico. A curiosidade enchíanos de ledicia!

MURAL COLABORATIVO 

Neste mural o alumnado reflexou o que significa para el un libro: aventuras, diversión, recomendacións lectoras...

Mirade máis neste vídeo...

Por último dende o equipo de biblio agasallamos un libro para que os nosos lectores e lectoras non perdan detalle das súas lecturas!

Rutas e sendas

 Bos días, lectores e lectoras!

Sabedes o que acontece esta semana? Si!!! Comezan as vacacións de Semana Santa!

Ao mellor, moitos e moitas aproveitades cosas coas vosas familias a facer algunha ruta ou senda chula, xa que na nosa contorna contamos con inumerables percorridos dignos de ser desfrutados. Ou ao mellor despois de coñecer durante estes dous primeiros trimestre o PDI do cole entráronvos as ganas de facer O Camiño de Santiago, non si?

Para os máis aventureiros e aventureiras, na biblio contamos con libros que nos poden servir de guía para afrontar retos que soamente os máis expertos explorados poden acometer. Queredes saber cales son? Aquí vai o primeiro:

Como vedes, neste manual podemos atopar moita información e trucos para orientarnos no monte e saír satisfactoriamente desta aventura. Pero todo explorador e exploradora que se precie ten que coñecer o tempo que vai, non si? Non vos preocupedes, tamén temos a solución:

Neste libro atoparemos o necesario para coñecer as situacións climatolóxicas que nos acompañarán ao longo da viaxe.

Animádesvos a poñelos en práctica?

Un saúdo!

INVESTIGACIÓN DOS SÍMBOLOS DO CAMIÑO DE SANTIAGO

Como sabedes, durante este trimestre estivemos a investigar sobre os símbolos do Camiño de Santiago para adentrarnos no PDI. Con todo o que o alumnado invesigou realizamos este canva.

PREMEDE NO SEGUINTE ENLACE PARA VER O CANVA. Esperamos que vos guste!

MUSEO DE POESÍA

O luns pasado, con motivo do Día da Poesía, o alumnado creou diferentes poemas e agora... temos un museo cheo de arte na biblio!

Mirade que bonito quedou....

- Infantil, 1º e 2º puxeron cor a poemas.

- 3º e 4º creou un poema disparatado 

- 5º e 6º crearon a partir dunha imaxe.

      

ESTES NENXS SON UNS ARTISTAS!!!

NON Á GUERRA CONTRA A INFANCIA

 A semana pasada o noso centro adheriuse á movilización #noalaguerracontralainfancia que promove a ONG Save The Children.

 

Ao longo da semana cada alumno/a fixo un xirasol, xa que é a flor nacional de Ucrania e simboliza a paz e a resistencia.

O venres concentrámonos no patio do centro todos xuntos con candanseu xirasol para escoitar o manifesto que nos facilitou a organización e trasladar así o noso apoio aos nenos e nenas Ucranianos. Podédelo escoitar no seguinte vídeo.

Logo elaboramos un gran mural colaborativo con todos os xirasois que se pode ver na vidreira de entrada do centro no que pedimos PAZ ENTRE OS DOUS POBOS.

Tamén realizamos unha recaudación de fondos para Save The Children que tivo moi boa acollida. O alumnado e as familias foron moi xenerosos e fixemos unha doación á ONG Save The Childen co noso gran de area para axudar aos nenos e nenas que sufren esta situación.

MOITAS GRAZAS 

POLA VOSA

SOLIDARIDADE!

 

Películas

 Bos días, lectores e lectoras. 

Hoxe dende a biblio vimos a lembrarvos que dispoñedes dunha sección de videoteca na que podedes atopar títulos moi divertidos, dende os clásicos de sempre ata títulos máis actuáis. 

Queredes explorar un pouco máis? Mirade!!

Para estes días de chuvia nada mellor que unha boa película e unha manta no sofá. Estades de acordo??

Ata pronto!