Publicación destacada

COLABORACIÓN FAMILIAS

Ola familias!  Animádevos a compartir con nós as vosas historias, contos, vivenzas... nos recreos ou nas horas de lectura. Teredes o...

mércores, 20 de febreiro de 2019

ENTROIDO E DÍA INTERNACIONAL DA MULLER

O vindeiro venres 1 de marzo celebramos o Entroido no noso colexio e o 8 de marzo o Día da muller. Para celebralo mercamos uns libros super chulos que xa podedes atopar no recuncho das celebracións! Vide coñecelos!



COMO COLLO OU DEVOLVO UN LIBRO?


Como algúns de vós aínda tendes pequenas dúbidas de vez en cando.... Hoxe imos recordar como podemos coller e devolver os libros da biblioteca. Veredes que faciliño!

1- En que curso estás? Se queres un libros de lectura, fíxate nos gomets dos libros e busca o teu recuncho!


2- Se queres libros de consulta, fíxate na flor e busca a cor e o número correspondente no recuncho de consulta. Tamén podes fixarte nos iconos da CDU ILUSTRADA, que teñen cada un o seu
 nome e están clasificados nas mesmas cores que a flor. Compróbao!


   


3- Se necesitas máis axuda podes consultar ó bibliotecario ou os axudantes de biblioteca. É fácil saber quen son xa que levan un carnet colgado. Búscaos!

4- Se xa elixiches o libro, só necesitas coller o teu carnet na caixa e darllo ó bibliotecario ou a un axudante para que o anote no ordenador e ... listo! Xa podes levar o teu libro!



5- Cando acabes de ler o libro, lévallo de novo ó bibliotecario ou a un axudante para que o anote no ordenador e logo déixao no carriño das devolucións.





Preparados?

ESPERÁMOSVOS NA BIBLIOTEBRA




venres, 15 de febreiro de 2019

DENDE A EMBAIXADA DE USA

Como xa sabedes, este curso estamos a traballar diferentes países na escola e, coa axuda da nosa auxiliar de conversa, o alumnado de 5° e 6° curso de Educación Primaria escribiu unha carta á Embaixada dos Estados Unidos solicitando periódicos, revistas, folletos...

E contestáronnos! Queremos darlle as grazas por todo este material, que despois de traballar en clase, levaremos para a Biblioteca para que todos poidades consultalo.


xoves, 14 de febreiro de 2019

STORYTELLING

Como todas as semanas, a nosa auxiliar de conversa fai un contacontos para os nenos de Educación Infantil.

Esta vez contounos Blue Chameleon, un conto de Emily Gravett.




Para algúns foi unha fonte de inspiración e atrevéronse a retratalo así...




luns, 4 de febreiro de 2019

ACTUALIZANDO O RECUNCHO DE INGLÉS

Seguimos enchendo o recuncho de Inglés con novos fondos, destinados dende Intantil ata os máis maiores de Primaria. Historias clásicas e outras modernas, unhas con xogos, outras con audios...

Estes son só algúns dos libros novos... Para descubrir o resto... esperámosmos na Biblioteca!