Aínda que temos moitas ganas de facelo, este ano non podemos xuntarnos para compartir lecturas e libros. Así que os padriños e madriñas lectoras do cole decidiron gravar uns poemas para todos os seus afillados e afilladas, así podedes celebrar xuntos o Día Mundial da Poesía.
Preme na seguinte imaxe para ver os vídeos.
Esperamos que vos gusten!!!
O día 21 de marzo celébrase o Dia Mundial da Poesía.
Coa poesía podemos expresar e comunicar cousas de maneira diferente, fomentando así a diversidade creativa e reflexionando sobre a maneira na que usamos as palabras.
A poesía sérvenos de vehículo para transmitir as nosas emocións e sentimentos, dunha forma orixinal e divertida.
Aquí tes uns recitados dialogados, atréveste a xogar?
No seguinte vídeo podes ver a Martiño, que nos recita uns poemas do poemario "Vento, ventiño, venteiro", de Antonio García Teijeiro.
Hoxe, 20 de marzo, conmemoramos o Día Internacional da Narración Oral para poñer en valor a arte da narración oral, dos contacontos.
Leo está feliz pola recomendación de hoxe.
Sofía, de 5º de EP, quere compartir con todos e todas nós o que aprendeu con este último libro que acaba de ler:
A IMPORTANCIA DE CONTAR SEMPRE A VERDADE
O título do libro é O traxe novo do rei e o seu autor chámase Xosé Antonio Ballesteros Rey.
Escoitádea con atención, seguro que vos encanta!
Sofía, moitas grazas por compartilo con nós!
Hoxe Leo está que non cabe de contento. No buzón do cole, baixo unha chea de papeis, atopou un paquete acolchadiño que tiña isto escrito...
A protagonista deste conto é VALENTE, DIVERTIDA, LISTA, DECIDIDA e FORTE. E de maior quere ser unha SUPERHEROÍNA.
Lola soña cun mundo mellor no que todas as nenas e nenos se sintan libres para facer o que queiran.
Ten unha capa máxica coa que practica para ser cada vez máis forte e poder SALVAR AO MUNDO.
AXUDÁMOSLLE???
Estamos na semana da prensa, e Leo sabe o importante e necesario que é estar informados e coñecer as novas de actualidade que ocorren na nosa contorna.
Por iso quere compartir con vós as webs dalgúns diarios dixitais nos que poderedes ler moitas e moi interesantes noticias, só tedes que premer nas imaxes para acceder.
Se coñeces algún máis que non estea aquí e creas que debería estar, non dubides en comunicarllo á profe para que llo faga saber a Leo. Estará encantado de engadilo!!!
Cres que a representación da muller nos diferentes ámbitos da vida é a mesma que a dos homes?
Fíxate nas seguintes imaxes relacionadas co papel da muller no cine e nas artes culinarias, hai algo que chame a túa atención? Cres que a representación dos homes e a das mulleres é a mesma?
Se premes no seguinte enlace poderás ver algúns dos resultados obtidos da loita das mulleres, a través da historia, por conseguir a igualdade.
A REPRESENTACIÓN DAS MULLERES NA SOCIEDADE
Son moitos os logros acadados, pero aínda nos quedan obstáculos que saltar. Se te fixas, son moitos os cambios que houbo ao longo dos últimos anos. Queda menos por chegar á meta, pero temos que seguir loitando pola igualdade de dereitos entre homes e mulleres.
Se premes na seguinte imaxe accederás a un vídeo feito con imaxes das Olimpiadas de 1964 que amosa a loita das mulleres por conseguir a igualdade ao longo da historia.
Hoxe compartimos con vós un Escape room virtual que publicou a fiestra da mestra no seu blog para que poñades a proba algúns dos vosos coñecementos en relación coa conmemoración do próximo luns (Día Internacional da Muller).
O obxectivo é que superedes unhas probas para conseguir descifrar o código segredo que abre o candado final. Cando o logredes obteredes o antídoto contra a desigualdade.
Se hai algunha cousa que non saibades podedes botar man das ferramentas que tedes e buscar a información que precisedes.
Podedes xogar por grupos, individualmente ou toda a clase xunta. Escollades a forma que escollades, seguro que o pasades xenial!!!
Preme na seguinte imaxe para ir ao Escape room virtual.
O lema escollido pola ONU para o Día Internacional da Muller deste ano é: "Mulleres líderes: Por un futuro igualitario no mundo da Covid-19"
Credit: UN Women/Yihui Yuan.As mulleres que lideran o mundo inspiran ás mulleres e nenas de todos os ámbitos da sociedade a loitar polos seus soños. Desafían os estereotipos sexistas e cambian actitudes sobre os roles de xénero.
Loitar pola igualdade e a inclusión das mulleres é responsabilidade de todos e todas!
RECLAMEMOS O ESPAZO DAS MULLERES NO LIDERADO
CINCENTA MODERNA