Rosalía en streaming

Hoxe conmemoramos o Día de Rosalía de Castro dun xeito moi especial: cun Concurso de Recitados de Poemas da autora. 

Foi un acto moi bonito no que o alumnado, nalgún caso acompañado polas súas  familias, puxo voz aos poemas da autora.

Os/as compañeiros/as dos participantes puideron seguir este acto en streaming dende as súas aulas. Ao remate, xuntámonos todos e todas no patio para agradecerlle a súa participación e démoslle a noraboa polo ben que o fixeron. Por último fixemos a entrega de premios.

Para continuar a xornada de celebración do nacemento da autora realizamos un xogo de pistas dixital que preparou o equipo de EDLG do centro e realizamos un mural con información sobre a vida da autora.

Unha vez máis, dende o equipo da Biblioteca, agradecemos a todos o participantes, especialmente ás familias e esperamos que este sexa a primeira de moitas xornadas coma esta!

23 de febreiro: día de Rosalía

 Hoxe é o día adicado á nosa escritora máis ilustre e recoñecida, Rosalía de Castro. As súas obras son verdadeiros tesouros, e nós somos os encargados e encargadas de facer que o seu legado siga facendo parte da nosa cultura. 

Na biblioteca temos unha morea de títulos nos cales podedes empaparvos das súas verbas, coñecer a súa historia e viaxar por Galiza sen saír dunha habitación. Vides connosco?

« Deixo a casa onde nacín, deixo a aldea que conozo por un mundo que non vin. Adeus ríos. Adeus. » Rosalía de Castro. 

Recomendación lectora

 Bos días, lectores e lectoras. 

Hoxe inauguramos unha nova sección na biblioteca, un apartado no cal os nenos e nenas farán unha recomendación semanal. 

Comezamos por o curso de Educación Infantil, e isto é o que nos conta un dos nenos. Moi atentos á recomendación que nos fan dos Bolechas. 

Dicídenos se tedes ganas de lelo!

Ata á próxima!

Un cole con corazón

 Como xa sabedes, onte foi o día de San Valentin, e no cole enchemos os corredores de corazóns con dedicatorias moi especiais. 

Ademáis de pasalo moi ben fandendo os corazóns, traballamos o desenvolvemento de emocións e a expresión escrita. 

Agardamos que tivésedes un día xenial!

TARTA DE AMÉNDOA CON MARCOS!

No CEIP Plurilingüe de Tebra seguimos a investigar sobre o Camiño de Santiago. 

Desta vez tivemos unha sorpresa moi doce: Marcos, pasteleiro do obrador O Camiño Novo de Tomiño acompañounos para descubrirnos os segredos dunha icona do Camiño de Santiago:  a torta de Santiago!

Pasamos con el unha mañá moi entretida e aprendemos que é preciso coidar moito todos os detalles: os ingredientes, as cantidades, o tempo de forno... se queremos obter unha torta deliciosa. 

No seguinte vídeo podedes ver un dos momentos máis especiais: a colocación da cruz de Santiago.

Tamén descubrimos que Marcos é un grande profesional e que dedicou parte da súa carreira a ensinar a outros pasteleiros, asistir a concursos...  

Estamos moi agradecidos de que aceptara o noso convite e de que colaborase deste xeito tan bonito ao desenvolvemento do PDI  desde curso: "O Camiño de Santiago".

Preme PREME AQUÍ para ver o vídeo resumo que fixo o equipo TIC!

Feliz día de San Valentin

 Hoxe é 14 de febreiro, un día para celebrar o amor, en calquera das súas formas: o amor por papá e mamá, pola nosa familia, tíos, curmás…polos amigos e amigas…

Nós o imos celebrar lendo este precioso álbum da autora Anna Llenas, “te quiero (casi siempre)”.

Lolo e Rita son moi diferentes entre sí. Lolo é un bicho bola e Rita é un lucecú. Aceptar a diversidade non sempre é doado…pero quen dixo que o fora?

A través destas marabillosas imaxes bucearemos nunha máxica historia de amor. 

Apetécevos coñecelo?

Feliz San Valentin a todos e a todas! Ata pronto!

Día Internacional da Muller e da Nena na Ciencia

 O Día Internacional da Muller e da Nena na Ciencia proclamouse no ano 2015, co fin de lograr o acceso e participación plena e equitativa na ciencia para as mulleres e nenas. 

No cole tamén conmemoramos este día para dar visibilidade ás mulleres e nenas creadoras. 

Queredes ver como o traballaron os nenos e nenas do 1º ciclo de E.P.? Vela aquí unha mostra. 

Ata pronto!

RECOMENDACIÓNS

 Hoxe traémos unha recomendación para os máis peques. 

Coñecédes ao peixiño Suit?

A Suit encántalle xogar…pero ten un pequeno problemiña…queres descubrir cal é??

Este peixiño tan simpático agárdete para recorrer os océanos con el, e se podes, a que lle axudes co seu pequeno problema. 

Boa fin de semana!

RECUNCHO MUSICAL

Existe algo mellor que comezar o día escoitando música?

A música está presente en moitos momentos da nosa vida, momentos para lembrar sempre. Cando estamos contentos ou contentas, escoitamos música; cando estamos tristes, de seguro que tamén. Cando vamos no coche, nas verbenas do pobo…sempre hai unha nota que nos acompaña. 

Na biblioteca do cole no íamos ser menos, e temos un espazo adicado a libros con temática musical. 

Xa lles botaches un ollo? Aquí deixamos unha pequena mostra de todo o que dispoñemos. Agardamos que veñades canto antes escoitar estes audio libros tan especiais. 

Ata outra!

CURIOSIDADES

 Sabíades que…

A biblioteca máis antiga do mundo atópase en Marrocos, concretamente na cidade de Fez. A coñecíades?

Esta biblioteca ten máis de 1000 anos, e antigamente só podían acceder a ela as persoas que practicaban o islam. 

A biblioteca conta con exemplares que teñen máis de 12 siglos de antigüidade, que vos parece? Os máis valiosos son os restos do Corán, escritos no século IX. 

Agardamos poder visitar algún día esta marabilla cultural. 

Ata a próxima! 

ENGLISH BOOKS

 Hello!

Hoxe queremos amosarvos unha pequena mostra dos libros tan chulis que temos na sección de inglés. Como vedes, hai libros interactivos que son perfectos para practicar esta lingua do xeito máis divertido. 

Agardamos que vos guste!

RECOMENDACIÓNS: "ROTEIRO"

 Ola, rapazada!

Hoxe comezamos cunha nova sección no blog da biblio. Nesta sección imos amosar as novas incorporacións que chegan á biblioteca do cole.

Comezamos cunha recomendación súper chula, moi divertida e que está relacionada con PDI do cole, O Camiño de Santiago. O xogo en cuestión chámase "Roteiro".

Trátase dun xogo de preguntas e respostas, no que os máis expertos no camiño chegarán a Santiago de Compostela laureados polos compañeiros.

Deixámosvos un vídeo para que vexades o bonito que é, e se vos entran ganas de compartir un bo momento cos compis e coas profes, non dubidedes en vir a xogar.

 

VÉMONOS PRONTO!