Publicación destacada

COLABORACIÓN FAMILIAS

Ola familias!  Animádevos a compartir con nós as vosas historias, contos, vivenzas... nos recreos ou nas horas de lectura. Teredes o...

luns, 20 de maio de 2019

OBRADOIRO CON RICK SAMPEDRO


Hoxe o alumnado de 5° e 6° de Educación Primaria tivo unha visita moi especial. O autor do libro que lemos o pasado trimestre Lola in the Land of Fire estivo hoxe en Bibliotebra respondendo a tódalas preguntas e curiosidades do alumnado, asinando os seus libros e compartindo as súas vivenzas e experiencias polo mundo. Divertímonos moitísimo! 

Grazas de novo Rick!




mércores, 15 de maio de 2019

ENCONTRO CON RICK SAMPEDRO

O próximo luns 20 de maio virá a visitarnos o autor do libro Lola in the land of fire, que leron os nenos de 5º e 6º de Educación Primaria en Inglés. Temos moitas ganas de coñecelo e compartir con el as nosas impresións.

Non olvidedes os vosos libros para que volos firme!


martes, 30 de abril de 2019

COLABORACIÓN FAMILIAS

Ola familias! 

Animádevos a compartir con nós as vosas historias, contos, vivenzas... nos recreos ou nas horas de lectura. Teredes os mellores espectadores do mundo enteiro!


Narrativa, La Historia, Sueño, Decir

Narrativa La Historia. Comfreak. Pixabay. CC0.

FIN DA SEMANA DO LIBRO

Por fin un día de sol que aproveitamos para realizar as actividades pospostas da semana anterior!

Onte fixemos a búsqueda de libros que Leo agochara no patio do colexio...


Cada neno atopou un libro do seu nivel lector e levouno de agasallo para casa. Son uns auténticos aventureiros porque algúns libros estaban moi ben agochados!



Pero antes de marchar aínda tivemos tempo de repetir a Bibliopatio, esta vez non nos corredores senón no patio, desfrutando do sol e da natureza. 



Queres ver tódalas fotos da Semana do Libro?

REUTILIZANDO LIBROS...

Ó longo da semana pasada cada grupo estivo realizando ás súas propias guirnaldas con libros vellos expurgados para logo colgalas na Biblioteca e na entrada do cole e decorar entre todos.

E este é o resultado! Invitámosvos a velo en persoa!




BIBLIOPATIO

O venres adicamos o tempo de lectura á Bibliopatio, pero por mor da chuvia tivemos que facelo nos corredores. Aínda así divertímonos moito!





Queres ver tódalas fotos da Semana do Libro?

venres, 26 de abril de 2019

APRAZAMENTO DE CAZA DE LIBROS

Debido á imposibilidade de realizar actividades ó aire libre esta semana, aprazamos a Caza de libros para a vindeira semana, se o tempo acompaña.

Sentímolo.



xoves, 25 de abril de 2019

APADRIÑAMENTO LECTOR

Hoxe os nenos maiores do cole volveron demostrar as súas dotes como contacontos apadriñando ós máis pequenos.



Encántanos ver cómo desfrutan das súas historias e o vínculo que se crea entre eles.



Queres ver tódalas fotos da Semana do Libro?

CONTACONTOS

Onte visitáronnos dous contacontos super especiais, un para Infantil e outro para Primaria. 





Queremos darlle ás grazas a estas dúas mamás que se animaron a participar na Semana do Libro. Desexamos que sigan colaborando con nós e que se animen moitas familias máis!

CADERNOS VIAXEIROS

Este martes 23 de abril, fixemos a entrega dos cadernos viaxeiros realizados por cada grupo. Desexamos que estedes desfrutando da súa lectura coas vosas familias.




Ademais, como cada ano, entregamos o premio ó caderno gañador. Esta vez tocoulles.... ós Dinos! (3-4 anos).

NORABOA!!!


luns, 22 de abril de 2019

AXENDA DA BIBLIOTECA PÚBLICA DE VIGO NA SEMANA DO LIBRO

Se queres coñecer as activades que a Biblioteca Juan Compañel de Vigo ofrece na Semana do libro pincha na seguinte imaxe.

Anímate!




SEMANA DO LIBRO

Esta semana celebramos a Semana do libro cun sinfín de actividades en Bibliotebra: entrega dos cadernos viaxeiros, bibliopatio, apadriñamento lector, contacontos, obradoiros de decoración con libros expurgados, caza de libros e moito máis!

Estades preparados? Comezamos!



mércores, 10 de abril de 2019

OBRADOIRO DE LECTURA EN INGLÉS

Este trimestre os nenos de 5º e 6º de Educación Primaria están a participar nun obradoiro de lectura en Inglés xunto coa mestra de Inglés e a auxiliar de conversa. O libro que estamos a ler titúlase Lola in the Land of Fire, de Rick Sampedro. 

Se queredes saber de que trata pinchade na seguinte imaxe. Esperamos que vos guste tanto como a nós!

 http://www.helblingyoungreaders.com/?pagename=product&product=385272957





martes, 2 de abril de 2019

AS CARTAS DE LEO


Este ano,a nosa mascota Leo, encárgase de ir polas aulas deixando unha carta coa información relevante que cada aula ten que traballar sobre o proxecto que estamos a desenvolver no centro:
Os países do mundo.



E


FAMILIAS LECTORAS



Bos días a todos! 

Precisamos familias que se animen a participar na semana do libro cun conto, lenda, experiencia persoal ou calquera outra idea que teñades. En Bibliotebra estamos abertos a novas suxerencias! Pregámosvos que vos poñades en contacto o antes posible. Grazasssss
Narrativa, La Historia, Sueño, Decir

Narrativa La Historia. Comfreak. Pixabay. CC0.

martes, 12 de marzo de 2019

SEMANA DA PRENSA


Estes días estamos a celebrar a SEMANA DA PRENSA, polo que realizamos unha exposición dos materiais que recolectamos de cada país que estamos traballando para o PDI deste curso.

Aquí vos deixamos unha mostra do recuncho de Estados Unidos. Enjoy it!


STORYTELLING

Como todas as semanas, a nosa auxiliar de conversa fai un contacontos para os nenos de Educación Infantil. Unhas veces nas aulas de Infantil e outras, como esta, na nosa biblioteca.

Esta vez contounos The eyes game, un conto de Hervé Tullet.

Logo, realizamos a nosa propia interpretación do conto. Esperamos que vos guste!


venres, 1 de marzo de 2019

OS RECREOS NA BIBLIOTECA

As xornadas de biblioteca no recreo están funcionando estupendamente. Os nosos nenos/as acuden diariamente a ler ou a coller ou devolver libros. Nestas imaxes podedes ver aos nosos axudantes da biblioteca facendo préstamos e devolucións, colocando libros nos andéis, axudando aos compañeiros/as a buscar libros etc.














LIBROS DE REXISTRO E INCIDENCIAS DA BIBLIOTECA


A carpeta de incidencias utilizámola para anotar se ocorre algo cos compañeiros/as no espazo da biblioteca, se hai algún problema con algún libro (roturas,desaparición de libros...) de maneira que quede rexistrado para a boa organización da biblioteca.

A carpeta de rexistro manual utiizámola para tomar prestados libros que aínda non están rexistrados no MEIGA e así poder levar un control.



BIBLIOTECA DO CEIP PLURILINGÜE DE TEBRA



Aquí tendes información relevante sobre a nosa biblioteca,a inauguraación,a formación de usuarios,as normas da biblioteca, e o carné da mesma.







mércores, 20 de febreiro de 2019

ENTROIDO E DÍA INTERNACIONAL DA MULLER

O vindeiro venres 1 de marzo celebramos o Entroido no noso colexio e o 8 de marzo o Día da muller. Para celebralo mercamos uns libros super chulos que xa podedes atopar no recuncho das celebracións! Vide coñecelos!



COMO COLLO OU DEVOLVO UN LIBRO?


Como algúns de vós aínda tendes pequenas dúbidas de vez en cando.... Hoxe imos recordar como podemos coller e devolver os libros da biblioteca. Veredes que faciliño!

1- En que curso estás? Se queres un libros de lectura, fíxate nos gomets dos libros e busca o teu recuncho!


2- Se queres libros de consulta, fíxate na flor e busca a cor e o número correspondente no recuncho de consulta. Tamén podes fixarte nos iconos da CDU ILUSTRADA, que teñen cada un o seu
 nome e están clasificados nas mesmas cores que a flor. Compróbao!


   


3- Se necesitas máis axuda podes consultar ó bibliotecario ou os axudantes de biblioteca. É fácil saber quen son xa que levan un carnet colgado. Búscaos!

4- Se xa elixiches o libro, só necesitas coller o teu carnet na caixa e darllo ó bibliotecario ou a un axudante para que o anote no ordenador e ... listo! Xa podes levar o teu libro!



5- Cando acabes de ler o libro, lévallo de novo ó bibliotecario ou a un axudante para que o anote no ordenador e logo déixao no carriño das devolucións.





Preparados?

ESPERÁMOSVOS NA BIBLIOTEBRA




venres, 15 de febreiro de 2019

DENDE A EMBAIXADA DE USA

Como xa sabedes, este curso estamos a traballar diferentes países na escola e, coa axuda da nosa auxiliar de conversa, o alumnado de 5° e 6° curso de Educación Primaria escribiu unha carta á Embaixada dos Estados Unidos solicitando periódicos, revistas, folletos...

E contestáronnos! Queremos darlle as grazas por todo este material, que despois de traballar en clase, levaremos para a Biblioteca para que todos poidades consultalo.


xoves, 14 de febreiro de 2019

STORYTELLING

Como todas as semanas, a nosa auxiliar de conversa fai un contacontos para os nenos de Educación Infantil.

Esta vez contounos Blue Chameleon, un conto de Emily Gravett.




Para algúns foi unha fonte de inspiración e atrevéronse a retratalo así...