RECOMENDACIÓNS LECTORAS PARA O VERÁN

 

Un novo curso escolar remata e comezan as esperadas vacacións. Pero... que hai mellor que ler un libro en verán?

Aquí tedes as nosas recomendacións lectoras. Esperamos que vos gusten e as desfrutedes moito!

Unha aperta, LEO!

SEMANA DO LIBRO 2023

Boas a todas e todos compañeiros e compañeiras!

Estas últimas semanas estivemos coa celebración do día do libro, pola cal leváronse a cabo diversas actividades con todo o alumnado do cole.

En primeiro lugar, viu a nosa biblioteca a incríble Sabela Gago cun contacontos. Ademais tivemos a sorte de que nos firmara no noso libro máxico da biblioteca. 

 

En segundo lugar, todo o cole tivo asistiu a un obradoiro de chapas na biblioteca aproveitando a máquina de chapas facilitada polo programa Polos Creativos no que participamos. As cativas e os cativos fixeron o deseño y interviron no proceso na fabricación da súa propia chapa.

En terceiro lugar, na hora de ler levouse a cabo un apadrinamento lector desde educación infantil a sexto de primaria un pouco diferente: cada alumna e alumno tiña unha peza que formaba parte dunha portada dun libro. Tiñan que buscar o seu equipo e montar un puzzle cas portadas de diversos contos en galego e logo, lelo entre todos. Desfrutamos moito todos xuntos lendo ó aire libre.

Ademais, elaborouse un poster onde puxemos os nosos libros favoritos, historias fantásticas que non nos cansamos de ler, é dicir, libros de post. 

 

Por último, viu o cole a escritora Alicia Borrás, autora da obra "Nata e chocolate" que están lendo as rapazas e rapaces de 5º e 6º no seu clube de lectura.

Isto é todo por agora! Estade pendentes das novidades! Un saúdo, Leo.

SEMANA DA PRENSA 2023: A NOSA EXPOSICIÓN!

Boas a todas e todos! 

Esta semana estamos levando a cabo a exposición da prensa, folletos, revistas, mapas, libros e agasallos que nos van chegando dos diferentes países ós que lle escibimos unha carta.

Foi mandada por correspondiencia ordiaria e o obxectivo é aprender cómo é a prensa e a cultura de distintos lugares como: Malta, Uruguay, Suiza ou mesmo Filipinas. 

Aquí podedes ver unha pequeniña mostra da nosa exposición. 

Esperamos que vos guste a nosa proposta!

Un saúdo e deica logo. Leo

  

 

DÍA DA MULLER

Boas a todas e todos!

Onte celebramos no colexio o Día Internacional da muller e para facelo que mellor que investigar sobre mulleres galegas que nos inspiran.

En educación infantil recadaron información sobre Sandra González, a nosa alcaldesa de Tomiño.

En 1º e 2º de educación primaria sobre a doutora e triatleta paralímpica Susana Rodríguez Gacio.

En 3º centrámonos na escritora e avogada Ledicia Costas.

En 4º na artista Maruja Mallo.

En 5º investigaron sobre Luz Casal.

En 6º sobre a atleta e medallista olímpica Ana Peleteiro. 

A exposición podedes vela polos muros do colexio. Esperamos que vos gustase.

Unha aperta e ata outra! Leo.

SEMANA DA PRENSA 2023

Boas compañeiras e compañeiros!

Esta semana celébrase a Semana da prensa e no CEIP Plurilingüe de Tebra xa levamos un tempo preparándoa.

O primeiro que fixemos foi escoller os países dos que queríamos recibir revistas, prensa, publicidade e información. 

Despois, cada curso do cole escribiu unha carta ás embaixadas dos países escollidos como por exemplo: Vietnam, Arxentina, Francia, Portugal e mesmo Australia!

Posteriormente, traballamos as partes dunha carta ordinaria e escribírona as rapazas e rapaces do seu puño e letra. 

Con moita espectación agardamos as respostas e xa temos os frutos!

Aquí unha recopilación das respostas que nos foron chegando o centro (Suiza, EEUU, Malta, Francia e México) e agardamos moitas máis. 

Por último, cando teñamos toda a correspondencia, faremos unha exposición na biblioteca do colexio para que toda a comunidade educativa a poida desfrutar.

Estade atentas e atentos as novas.

Unha aperta, Leo.