Premede nas imaxes para coñecer máis a esta autora e acceder a diferentes actividades.
martes, 15 de maio de 2018
sábado, 12 de maio de 2018
SEMANA DO LIBRO
Festexamos, como non podía ser de outra maneira, a
Semana do libro, que extendemos desde o día 23 ata o 27 de abril. Fixemos un
feixe de actividades, moitas delas ao aire libre, aproveitando a chegada do bo
tempo que tanto tardou en vir visitarnos!
CADERNOS
VIAXEIROS
23 ABRIL. As maletas viaxeiras remataron a súa viaxe polos
fogares dos nenos e nenas de Tebra, e delas naceron uns cadernos viaxeiros ben
bonitiños, elaborados por todos nós xunto coa axuda das nosas familias.
O equipo de biblioteca considerou que o caderno máis
orixinal, completo e traballado foi o do grupo de 1º de EP. Levaron un diploma,
uns agasallos para disfrutar en grupo e unha gran ovación do resto de
participantes.
  |
LIBROS
LIBRES
23 ABRIL. Os nenos e nenas de 6º de EP estiveron informándose
do que eran os “libros libres” e decidiron gravar unha curtametraxe na que o
guión explicaba o seu funcionamento. Visualizámola xuntos e posteriormente
informóusenos que polas instalacións da nosa escola liberáranse moitos deles,
así que fomos na súa procura. A premisa máis importante era que unha vez
atopados e despois de ser lidos, tíñanse que liberar en calquer lugar para que
outras persoas os puidesen disfrutar. Foi unha experiencia moi divertida!
 |
   |
APADRIÑAMENTO
LECTOR
Un clásico nesta época é a tenra tarefa de apadriñar
a un pequeno o pequena para lle ler un conto. Os nenos e nenas de 3º, 4º, 5º e
6º foron os padriños e madriñas e cumpliron o seu cometido con moi boa nota.
Botade un vistazo!
 |
   |
BIBLIOPATIO
Hai algo máis pracenteiro que un bo libro nun
ambiente cálido, cunha suave brisa e en calma???
| |||
SABELA
GAGO
Para rematar a semana do libro, veunos visitar por
segundo ano consecutivo a contacontos Sabela Gago. Non nos cansaremos de
disfrutala porque é realmente fabulosa!
 | ||||||
|
CONTACONTOS
A finais de febreiro achegouse á nosa escola un
divertidísimo contacontos chamado Caxoto, aínda que a el gústalle máis que lle
chamen Caxo. Veunos contar a través de interesantes historias unha manchea de
cousas fermosas, prestando especial atención na importancia da igualdade entre
persoas. Ademais de contacontos é un músico excelente. Non dubidedes en
disfrutalo sempre que teñades oportunidade!
Se queredes ver máis fotos ou vídeos na web do cole, premede aquí.
BIBLIOTECAS ESCOLARES
O 23 de outubro celebramos na escola o día das
bibliotecas escolares. Como neste curso estamos a traballar o Cine como
proxecto documental integrado e, aproveitando que a biblio permanece pechada,
ocorréusenos crear unha estantería de libros nas escaleiras da entrada do cole.
Escollemos títulos que foron levados ao cine despois da súa publicación e
conseguimos unha decoración do máis orixinal. Non vos parece?
Despois de que cada grupo consensuase o seu título e
de traballalo na clase, elaboramos o “lombo” deixando voar a nosa creatividade.
O esforzo foi premiado cunha maleta viaxeira chea de material interesantísimo
para cada grupo, que comezou a súa viaxe nese preciso momento.
 |
   
Se queredes ver máis fotos na web do cole premede aquí
|
PECHE DA BIBLIOTECA
PECHE DE BIBLIO
Como xa sabedes estamos a reorganizar a nosa
biblioteca, facendo oco para acoller outros materiais máis actuais, e
reestructurando os espazos para facer dela un lugar fermoso, atractivo e cheo de
novas oportunidades acordes aos intereses e inquedanzas dos nosos lectores e
lectoras.
Nunca imaxinamos canto traballo teríamos por diante
pero, xa queda menos!!!
Subscribirse a:
Publicacións (Atom)