SEMANA DO LIBRO

 SEMANA DO LIBRO

Con motivo do día do libro a semana do 22 ao 29 de abril estivemos conmemorando a data na biblioteca do colexio realizando diferentes actividades.

En primeiro lugar, o día 23 de abril cada un veu á escola disfrazado dalgún personaxe de libro. Houbo para todos os gustos. Foi moi divertido!

O 24 de abril tivemos actuacións do contacontos Manolo Solla. Deixounos abraiados coas súas historias e a súa maxia.

Ao longo de toda a semana, e aproveitando que fixemos un expurgo na biblioteca, tivemos un mercadillo de libros para todo o alumnado e as familias. Así dámoslle unha segunda vida a moitos libros e recaudamos uns euros coa finalidade de mercar novos exemplares para a nosa biblioteca. Grazas a tod@as!

Pincha AQUI  se queres ver como foron estas xornadas

MÁIS NOVIDADES EN RADIOLEO!

NOVA ENTREGA DE PROGRAMAS DE RADIOLEO!

Bulide para escoitar os novos programas da radio do noso colexio. Xa están dispoñibles para escoitar unha serie de novos podcast variados: recomendacións musicais, día escolar da paz, noticias... e nesta ocasión ata temos un programa feito polas nenas e nenos máis cativos de Educación Infantil. Agardamos que sexan do voso agrado.

ESCOITA RADIOLEO!!!

O ENTROIDO NO COLE E AS ANTIGAS CIVILIZACIÓNS!

Seguindo co PDI deste curso, adicado as antiguas civilizacións, cada curso e ciclo educativo da escola estivo elaborando os disfraces cos que vestirnos o venres de entroido que fixemos a noso desfile e festa. Foi un día que poidemos desfrutar en compañía das familias!

As antigas civilizacións que estiveron presentes no noso entroido foron:

 - Educación Infantil coa Antiga China.

- 1º e 2º de Educación Primaria coa prehistoria.

- 3º e 4º de Educación Primaria cos Celtas.

- 5º e 6º  de Educación Primaria cos Vikingos.

- Non faltou a Antiga Roma de man das mestras e mestres. 

Pincha AQUÍ para ver fotografías e vídeos e vexas o ben que o pasamos.

NOVOS PROGRAMAS DE RADIOLEO!

 A nosa radio escolar comeza a funcionar este curso. Nesta ocasión traemos tres novos programas variados que podedes ir escoitando. Se queres coñecer algúns records Guinnes, noticias interesantes ou recomendacións de videoxogos, non podes perderte os nosos podcast. A nosa mascota Leo está moi contenta porque, ademais de estes tres programas, os nenos e nenas do cole de Tebra xa están preparando novas entregas. ESCOITA RADIOLEO!

DÍA DAS BIBLIOTECAS ESCOLARES (24 de setembro)

 Un ano máis fixemos coincidir o día das bibliotecas escolares co acto de inauguración da nosa biblioteca este curso escolar 24/25. Estivemos visualizando os vídeos e as imaxes dos retos de Educación Física que o curso pasado se propuxeron nas mochilas viaxeiras. Fixemos entrega a cada curso da mochila viaxeira que pasará por todos os fogares este ano e para rematar a velada contamos coa increíble actuación musical de Susa Herrera e Lara Espósito. Pasámolo xenial!!!

Preme aquí para ver o ben que o pasamos